МОНГОЛЫН ЭМНЕСТИ ИНТЕРНЭШНЛ

Эмнести Интернэшнл нь хүний эрхийг хамгаалагчдын даян дэлхийн хөдөлгөөн юм.
Бид аливаа засгийн газар, улс төрийн үзэл бодол, эдийн засаг болон шашны үзлээс ангид.

Бидний Хүсэл
Хүний Эрхийн Түгээмэл Тунхаглал болон бусад олон улсын хүний эрхийн жишиг хэмжээнд заасан хүний эрх, эрх чөлөөг энэ дэлхийн хүн бүрт бүрэн эдлүүлэхэд оршино.

Бидний Чин Зорилго
Эмнести Интернэшнлийн чин зорилго бол хүний бүхий л эрхийг хамгаалахдаа бие махбод, оюун санааны төгс байдал, чөлөөтэй сэтгэн бодох, үзэл бодлоо илэрхийлэх, мөн ялгаварлан гадуурхагдахгүй байх зэрэг эрх, эрх чөлөөг ноцтой зөрчихөөс урьдчилан сэргийлэх, таслан зогсоох зорилгоор судалгаа явуулж, бодитой арга хэмжээ авах явдал юм.

Эмнести Интернэшнл Монгол Улсад
1990 онд Францад цугларсан Европын 34 орны тэргүүний уулзалтаас “Парисын Дүрэм”-ийг батласнаар зөвхөн Европ төдийгүй бусад тивийн том, бага улс гүрнүүд өөрсдийн дотоод хэргээсээ илүүтэйгээр ардчилал, хүний эрхээр баталгаажсан хүн төрөлхтөний нийтлэг үнэт зүйлсийг бодитой түвшинд хамтран хамгаалахад анхаарсан юм. Монголчууд ч улс төр, иргэний зориг өвөрлөн хүчирхийллийн бус аргаар нийгмийн шинэ дэвшилд нэгдсэн энэ үед өөрсдийн зорилгоо ухамсарлан хүч оюунаа дайчилж чадсан бүлэг хүмүүсийн тоонд “Эмнести Интернэшнл”-ийн Монголын хөдөлгөөнийхөн зүй ёсоор багтана. Анх нэгхэн бүлэгтэй байсан бол одоо хүрээгээ тэлэн албан ёсны 17 бүлэг, 2000 гаруй гишүүд гаруй дэмжигчидтэй байгууллага болон ажиллаж байна. Монгол дахь салбар хүний эрхийн талаарх дэлхий дахины кампанит ажилд оролцохоос гадна өөрийн орондоо хүний эрхийн боловсролын чиглэлээр тухайлбал бүх шатны сургууль, боловсролын хөтөлбөрт хүний эрхийн талаарх мэдээллийг тусгах, олон улсын хүний эрхийн хэм хэмжээг таниулах, гэрээ конвенцийг батлуулах, дэлхийн улс орнуудын болон өөрийн орны хүний эрхийн талаарх мэдээ мэдээллийг орчуулж тараах чиглэлээр ажилладаг. Тус байгууллага сүүлийн жилүүдэд:

- Цаазаар авах ялын эсрэг кампанит ажил
- Эрүүдэн шүүхийн эсрэг кампанит ажил
- Хүнийг Хүндэл кампанит ажил
- Хүний эрхийн боловсрлын кампанит ажил
- Улс Орнуудын төлөөх кампанит ажил
- Залуучуудын кампанит ажил зэрэг кампанит ажлуудыг тогтмол зохион байгуулж байна.

Бидний зэвсэг: үзэг, бусдын төлөөх сэтгэл

Эмнести Интернэшнлийн Ерөнхий нарийн бичгийн дарга Салил Шеттигийн хүний эрхийн төлөө тэмцэгчдэд илгээсэн мэндчилгээ

Шинэ он эхлэхтэй зэрэгцэн 2013 онд бид бүхэн хамтдаа тэмцэж олсон амжилтуудаа эргэн дурсахыг хүсэж байна. Бид захиа, зурвас, жиргээ, захидал, гарын үсгүүдийг хараахан тоолж дуусаагүй байгаа хэдий ч 12-р сард “Эрхийнхээ төлөө бичицгээе” хэмээх дэлхий дахинд өрнүүлсэн хамгийн том кампанит ажилд 80 гаруй улсын олон мянган хүн оролцсон гэдэг нь хэдийнээ тодорхой болжээ.

Үзэг, компьютер зэргээр зэвсэглэсэн бид эрх баригчдаас үзэл санааны хоригдлуудыг чөлөөлж, бурууг зөв болгож шударга үнэнийг тогтоохыг хүсдэг.

Бидний тэмцэл ямар өөрчлөлт авчрахыг цаг хугацаа харуулах болно. Амжилт тэр бүр амархан ирдэггүй хэдий ч та бүхний илгээсэн цахим шуудан, факс, захидлууд асар том өөрчлөлтийг авчирч чадна.

Орон сууцаар хангагдах эрхийнхээ төлөө тэмцээд хоригдсон Камбож бүсгүй Ёорм Бофа (зүүн талын зураг) 1-р сард суллагдсан нь түүний төлөө тэмцэлд нэгдсэн хүн бүрт маш том урам зориг өгсөн. Бофа өөрийнх нь төлөө кампанит ажил өрнүүлсэн Эмнести Интернэшнлийн дэмжигчдэд халуун талархал илэрхийлсэн билээ. Бид түүнд тулгасан ялыг хэрэгсэхгүй болгохын төлөө тэмцэх болно.

Бидний тэмцэл хэр удаан үргэлжлэхийг мэдэхгүй. Өнгөрсөн 4-р сард дэлхийн удирдагчдын хүлээн зөвшөөрсөн Зэвсгийн Худалдааны Гэрээ үүнийг харуулж байна. Эмнести Интернэшнл хамтрагчдынхаа хамтаар 20 жил цөхрөлтгүй тэмцсэний дүнд Зэвсгийн Худалдааны Гэрээ батлагдсан. Бид хийж чадсан. Түүнээс хойш 115 орон уг гэрээнд гарын үсэг зурсан. Энэ тоо цаашид нэмэгдэх болно.

2014 онд биднийг олон шалгуур хүлээж байна.

Сири улсаас Төв Африкийн Бүгд Найрамдах улс хүртэлх том орон зайд хүний эрх зөрчигдсөөр. Өөрчлөлтийн төлөө хийх олон ажил биднийг хүлээж байна. Хүчирхийлэл, хүний эрхийн зөрчлийг баримтжуулах, бүртгэж авахаас эхлээд хийх ажил маш их байна. Шударга үнэн ялж, хууль ёс хэлбэрэлтгүй хэрэгждэг цаг иртэл бидний ажил зогсохгүй.

Бидэнтэй нэгдсэн танд талархал илэрхийлье. Бид хамтдаа ихийг бүтээж чадна.

ӨӨРЧЛӨГДӨЖ БУЙ ДЭЛХИЙ ЕРТӨНЦ БА ЭМНЕСТИ ИНТЕРНЭШНЛ ДЭХ ӨӨРЧЛӨЛТ

Panic button
Эмнести Интернэшнл Хүний эрхийн хамгаалагчдын аюулгүй байдлыг хангаж Panic button гэх байршил тогтоогч программ гаргасан. МЭИ нь энэхүү програмыг гишүүд, дэмжигч нарт танилцуулан, хэрхэн гар утсандаа суулгаж ашиглах талаарх зааварчилгааг өглөө.
Эхийн эндэгдэл ихсэж буй шалтгаан нь ядуурал гэдэгтэй та санал нийлж байна уу?
Тийм
Үгүй
Мэдэхгүй
Саналаа өгөх

Хүний эрхэд ээлтэй сургууль

Эмнести Интернэшнлийн сургуулиудад хэрэгжүүлж буй анхны хүний эрхийн боловсролын хөтөлбөр

Цаазаар авах ялын эсрэг

Хятад, Иран, АНУ зэрэг 68 орон цаазаар авах ялыг хэрэглэсээр ...

Хүнийг хүндэл

Хүний эрхийг хамгаалахын төлөө нэгдэцгээе!

Эрүүдэн шүүхийн эсрэг

Хорих, урьдчилан хорих газруудад эрүүдэн шүүх явдал гаргуулахгүй байхад хөндлөнгийн ...

Хүний эрхийн боловсрол

Хүний эрхийг хүндэтгэн биелүүлэх хөдөлгөөн газар сайгүй өрнөсөн өнөө үед хүний ...
Та манай 563469 дахь зочин боллоо.